Гугл почнал да објавува предупредување на корисниците чии компјутери се заразени со вируси...

Доколку на компјутерот се наоѓа штетен софтвер, за време на користењето на пребарувачот Гугл на врвот од страницата ќе се појави видлива порака, пренесува Би Би Си.

Експертите за безбедност на Интернет проценуваат дека повеќе од два милиони компјутери во светот се заразени со вирус кој ги пренасочува корисниците на веб сајотови кои содржат малициозен софтвер, вклучувајќи непријателски антивирусни програми и други измами.

Гугл ќе продолжи да ги предупредува корисниците чии компјутери се инфицирани, а пораката ќе содржи линк до страната со совети кои може да им помогне на корисниците да го ажурираат антивирусниот софтвер и да ги исчистат своите компјутери.

Гугл наведува дека системот до сега автоматски пратил неколку стотина илјади предупредување, и дека се очекува тој број наскоро да биде многу поголем.