Група хакери под името Anonymous покренале своја социјална мрежа наречена AnonPlus, која ја претставиле како мрежа на која "нема страв од цензура, исклучувања задржување на податоци и слично"...
Само еден ден пред американските власти да уапсат 16 луѓе осомничени за сајбер криминал, хакерите познати под името Anonymous објавиле дека покренале сопствена социјална мрежа.
Тие се познати по тоа што до сега ги напаѓале сајтовите на мултинационалните компании и ги објавувале нивните емајлови, пред се сајтовите на MasterCard, Visа, PayPal но и владата на Египет, Тунис, Јемен и Иран. Toa ги поврзува со Викиликс и Џулијан Асанж.
Освен Anonymous постојат и други хакерски групи, а најпозати се Lulz Security и групата која ја сочинуваат двајца мажи - либански студент кој се наоѓа на интернет како Idahc и неговиот француски пријател чиј прекар е Auth3ntiq. Тие двајца извршиле напад врз сајтот на Сони.
