Капитенот на Ливерпул, Стивен Џерард е убеден дека тимот на Рафа Бенитез ќе го освои трофејот во Премиер лигата во следните пет години.

Џерард е несреќен поради тоа што Ливерпул нема триумфирано во Премиер лигата од 1990 година.
Самиот фудбалер има дојдено најблиску до првата позиција пред седум години кога завршија на второто место на табелата.
Сезонава изгледаше надежно за тимот од Ливерпул за конечно да ја сврти среќата, но моментално заостануваат три поени зад Манчестер Јунајтед кои имаат и натпревар предност.
И покрај предноста на Јунајтед, Џерард сеуште се надева дека може да ги надминат момците на сер Алекс Фергусон во борбата за титулата оваа сезона и ако не успеат во тоа оваа година, смо прашање на време е кога тоа ќе се случи наскоро.
"Мојот сон е да ја освојам титулата со Ливерпул"- кажа Џерард.
" И јас навистина верувам дека овој тим може да ја освои титулата во Премиер лигата, а јас ќе го подигнам трофејот"- додаде тој.
"Оваа сезона сме многу блиску до осварување на сонот и сеуште верувам дека го можеме тоа. Но, доколку не успееме, ќе го сториме тоа следната година или за три, четири или пет години. Предобри сме за да не победиме"- кажа уште капитенот.
"Огромно е задоволството да играте за ваков тим, особено со светски играчи"- заврши Џерард.

Powered by: 24 FUDBAL.com.mk