Манчестер Јунајтед е првиот патник за Рим, Црвените Ѓаволи уште еднаш го победија Арсенал и заслужено се пласираа во финалето од Лигата на Шампионите.
Манчестер Јунајтед уште еднаш ја покажа својата големина, тимот на Сер Алекс Фергусон го надигра Арсенал и на Емирати победи со 3-1, и со вкупни 4-1 се пласира во финалето од Лигата на Шампионите.
Арсенал не успеа да ја анулира предноста на Јунајтед, по само единаесет минути игра завршија сите надежи за Топџиите.
Првиот шок на Емирати се случи во 8та минута, Андерсон асистираше, Гибс направи катастрофална грешка која ја искористи Парк, погоди за водство на Манчестер Јунајтед од 1-0.
Само три минути подоцна Јунајтед го реши натпреварот, Роналдо упати бомба од слободен удар, Алмунија лошо интервенираше, Ѓаволите поведоа со 2-0.
Фудбалерите на Арсенал не успеаа да се совземат од раното водство на Јунајтед, не успеаа да создадат посериозна шанса за гол.
Манчестер Јунајтед доминираше и го диктираше темпото обидувајќи се да ја искористат лошата игра на Арсенал и да го понижат противникот.
Во второто полувреме домаќините влегоа офанзивно, но Јунајтед делуваше поопасно од брзите контра напади.
Токму еден таков напад во 61та минута му донесе водство на Јунајтед и од 3-0.
Роналдо со пета додаде до Парк кој го проигра Руни, овој асистираше до Роналдо кој погоди за убдливи 3-0.
На 15 минути до крајот, Флечер го фаулираше Фабрегас во шеснаесетникот, Росети покажува на белата точка и му доделува директен црвен картон на фудбалерот на Манчестер Јунајтед.
Прецизен реализатор на ударот од белата точка за Арсенал беше Робин ван Перси, Топџиите немалија на 3-1, но тоа беше се што направи тимот на Венгер.
Манчестер Јунајтед залужено патува во Рим каде што ќе го брани трофејот во Лигата на Шампионите.
Арсенал и оваа сезона останува без освоена титулата, пета година по ред Топџиите се немаат радувано на трофеј.
Powered by: 24 FUDBAL.com.mk
