МЕНИ

Каталонците одиграа без голови против Челзи во првиот натпревар од Лигата на шампионите на "Ноу Камп" минатата недела.
Оваа недела двата тима се соочуваат на "Стемфорд Бриџ" во среда и сите се надеваат на влез во финалето во Рим.
Пике верува дека тимот на Пеп Гвардиола е доволно добар за да си обезбеди место во Рим.
"Тимот има капацитет за победа. Овој тим може да победува секаде. Сигурен сум дека ќе победиме"- кажа Пике.
"Доколку Челзи сакаат во финале мора да постигнат погодок и тоа навестува дека ќе играат поотворен фудбал. Стемфорд Бриџ е помал што ќе ни попречи во нашиот стил на игра"- додаде тој.
"Покрај тоа, таму се и фановите и сигурен сум дека ќе има напната атмосфера"- вели уште Пике.
Победата на каталонците над ривалот Реал Мадрид викендов им помогна да ја зголемат самодовербата во тимот, но Пике вели дека тој резултат нема да има значење за дуелот со Челзи, иако призна дека шпанците се упатуваат во Лондон во одлична кондиција.
"Победата над Реал Мадрид е веќе историска и ќе се запамети уште подобро доколку отидеме во финалето на Лигата на шампионите"- кажа поранешниот фудбалер на Манчестер Јунајтед.
"Тоа што следува во Лондон е многу важно и мора да се фокусираме на тоа. Вистина е дека играме на врвно ниво оваа сезона, но сеуште не сме освоиле трофеј"- кажа уште Пике.
"Мора да продолжиме претпазливо. Победата против Реал беше одлична, но таа нема да ни помогне против Челзи. Доколку сакаме да победиме во Лондон мора комплетно да се концентрираме на тој меч"- заврши тој.