Дефанзивецот на Челзи, Жулиано Белети верува дека победникот од полу-финалниот дуел помеѓу Барселона и Челзи ќе ја освои Лигата на Шампионите
Белети, кој го постигна победничкиот погодок за Барселона во финалето на Лигата на Шампионите во 2006 против Арсенал, вели дека дуелот во вторник на Ноу Камп требало да се случи во финалето во Рим.
“Мислам дек апобедникот од овој дуел на крајот ќе биде шампион.” – рече Белети. “Барса победи некој од најголемите клубови во Европа, а ние ги совладавме Јувентус и Ливерпул.”
“Мислам дека луѓето веруваа дека дуелот помеѓу овие два тима ќе биде во финалето. Очигледно е дека има други големи клубови како Ливерпул и Манчестер Јунајтед, но Барса и Челзи се двата најдобри клуба во своите првенства. Ова е натпревар вреден за финале.”
“Никој не е незапирлив. Играв за националниот тим на Бразил долго време и никогаш не мислевме дека сме несопирливи. Играв и во Барса каде што негувавме одличен фудбал но ниту таму не се чуствувавме така.“
 “Не постојат несопирливи тимови.”

Powered by: 24 FUDBAL.com.mk