Манчестер Јунајтед со фантастичен пресврт во вториот дел од натпреварот дојде до големи три бода во дуелот против Тотенхем.
Црвените Ѓаволи одиграа фантастично второ полувреме, иако по првото губеа со 2-0, на крајот го победија Тотенхем со убедливи 5-2.
Ливерпул се искачи на врвот во Премиер лигата по победата над Хал, Манчестер Јунајтед требаше повторно да ја завземе челната позиција, тоа и се случи.
Натпреварот не започна најдобро за домаќините, во 29та минута, одлично додавање од Ведран Чорлука, Дарент Бент ја тресе мрежата на Јунајтед за водство на Тотенхем од 1-0.
Само три минути подоцна нов шок на Олд Трафорд, Лука Модрич постигнува погодок за водство на Спарси и од 2-0.
Својата најголема шанса во првиот дел, Манчестер Јунајтед ја имаше во 38та минута, но ударот на Роналдо, Гомес го спречи со фантастична интервенција.
Тешко прво полувреме за Манчестер Јунајтед, но шампионот се врати во второто полувреме.
Најпрво во 56та минута судијата досуди пенал откако Гомез го собори Карик во шеснаесетникот.
Прецизен реализатор на ударот од белата точка беше Роналдо, намали на 2-1.
Во 67та минута Вејн Руни постигнува погодок и го израмнува резултатот на 2-2.
А веќе во следната минута Кристијано Роналдо со глава го постигнува својот втор гол и прави комплетен пресврт на натпреварот, Јунајтед води со 3-2.
Веќе во 71та минута Манчестер Јунајтед поведува со 4-2, Вејн Руни не ја затресе мрежата на Гомез но постигна гол за нова радост на Олд Трафорд.
Конечните 5-2 беа дело на Димитар Бербатов, бугарскиот интернационалец во 79та минута искористи една лоша интервенција на Гомез и го постигна последниот гол на натпреварот.

Powered by: 24 FUDBAL.com.mk