МЕНИ

Екипата на Манчестер Јунајтед потврди дека цените на билетите за следната сезона ќе бидат зголемени за 1 фунта по натпревар
Во време на еконимска криза кога голем дел од клубовите ги намалуваат цените на билетите или пак ги замрзнуваат, Јунајтед настапи со поинаков тренд и реши да ги зголеми цените бидејќи на секој натпревар просечно одбивале околу 5500 фанови.
Групите на фановите не се импресионирани од ваквиот потег според кој најскапиот билет ќе биде 49 фунти додека пак најефтиниот 27 фунти.
“Сеуште одбиваме преку 5000 фанови за секој натпревар, и веруваме дека со новите цени луѓето ќе добиваат добра вредност за своите пари.” – рече потпаролот на Јунајтед.
На почетокот од овој месец фамилијата Глејзер отки дека клубот има долгови од околу 650 милиони фунти, со што гневот на фановите се зголеми поради политиката со билетите.
“Во минатото се велеше дека сопствениците ќе ги исцедат фановите на Јунајтед. Тоа и се случува сега.” – рече Стен Бонус, потпретседател на Трустот на Поддржувачи на Манчестер Јунајтед.
“Екстремно разочарувачки е во време кога фановите на Јунајтед се мачат со економската ситуација, и другите клубови ги замрзнуваат па дури и ги намалуваат цените, семејството Глејзер реши да ги покачи цените.”
Челзи, Арсенал и Вига веќе соопштија дека ги замрзнуваат цените на билетите за следната сезона, додека пак екипи како Болтон, Манчестер Сит, Вест Хем, Сандерленд, Евертон и Блекбурн потврдија дека ќе ги намалат цените.