Плејмејкерот на Милан, Кака сака да биде капитен...

Плејмејкерот на Милан, Кака уште еднаш ја нагласи својата желба да остане на Сан Сиро и во иднина да ја носи капитенската лента на клубот

26 годишниот Бразилец во јануар за малку ќе заминеше од Италија за светскиот рекорден трансфер во Манчестер Сити но на крајот реши да остане во Милан.
Во последно време, Кака се поврзува со Реал Мадрид и претседателскиот кандидат Флорентино Перез, но тој повторно ја нагласи својата верност кон Росоњерите.
“Веќе кажав и покажав дека сум верен на овој клуб па нема потреба ништо друго да се додава.” – рече Кака.
“Навистина уживам во престојот на Сан Сиро и задоволен сум од поддршката која ја добивам овде.”
“Кажав не на понудата од Манчестер Сити бидејќи мислам дека ќе имам многу успех тука во редовите на Милан.”
“Одкако добив многу од Росоњерите, беше неопходно за мене да останам.”
“Тешко е да зборува за иднината бидејќи фудбалот е игра на сегашноста и јас можам да говорам само за моите сегашни чувства.”
“Реал Мадрид и инзворедн клуб со одлични играчи, но јас никогаш не сум кажал дека сакам да заминам од Милан.”
На крајот Кака ја изрази својата желба еден ден да ја носи капитенската лента на Росоњерите.
“Кога Паоло Малдини ќе се пензионира, верувам дека следниот капитен треба да биде или Масимо Амбросини или Џенаро Гатузо. Секако дека еден ден и јас би сакал да ја носам капитенската лента.”

Powered by: 24 FUDBAL.com.mk