Голманот на Интер, Жулио Цесар денеска започна со лесен тренинг и се очекува да биде подготвен за дербито со Јувентус

Избраниците на Жозе Мурињо денес се вратија на тренинзите по натпреварот со Палермо на Џузепе Меаца кој заврши 2-2.
Добра вест за Нероаѕурите е враќањето на Жулио Цесар кој денеска започна со тренинг и е на добар пат да биде подготвен за дербито со Јуве кое се игра во сабота.
Бразилскиот интернационалец заработи повреда на бутниот мускул на дуелот со Удинезе поради која мораше да го заврши натпреварот пред време.
Цесар го пропушти дуелот со Палермо а во стартниот состав на Интер се врати Толдо, кој беше критикуван од Мурињо за еден од двата примени погодоци.
Денешниот тренинг на Нероаѕурите го следеа околу 500 фанови. Мурињо го подели тимот во две групи (оние кои во саботата играа со Палермо и оние кои одмараа).
Луис Хименез и Амантино Мансини продолжија со процесот на опоравуавње и имаа тренинг без топка.
Маикон по повредата на интернационалнот настап против Еквадор сеуште работи со физиотерапевтите на Интер.

Powered by: 24 FUDBAL.com.mk