Италија Марио Балотели вели дека знае каква ќе биде неговата иднина но не сакаше да говори на таа тема

Напаѓачот на Интер се поврзува со преселба во Манчестер Сити и двата клуба подолго време се во преговори за реализација на трансферот но до овој момент сеуште нема договор за преселбата на Балотели во Истлендс.
“Дали ќе се преселам во Манчестер Сити? Знам што ќе се случи во следните денови но нема да говорам за ова.” – рече Балотели за Sky Sport 24.

’Супер Марио’ кој утре ќе наполни 20 години вчера го имаше своето деби за сениорската репрезентација на Аѕурите во поразот од 1-0 во дуелот со Брегот на Слоновата Коска.

“Бев многу возбуден, особено кога се пееше химната, не можам да опишам што ми се случуваше бидејќи се беше невообичаено за мене.”

“Емоциите делуваа врз мене, морам да признам. Но кога започна натпреварот се исчезна.”

Запрашан какви совети добил од Чезаре Прандели, Балотели рече: “Прандели ми рече дека треба повеќе да се жртвувам, почесто да ги бркам противничките играчи и да покажам дека му служам на тимот.”

Powered by: 24 FUDBAL.com.mk