Шпанија | Валенсија водеше со 2-0 на Камп Ноу против Барселона, но благодарение на два гола на Лео Меси, Каталонците избегнаа пораз пред своите навивачи...

Валенсија одлично го почна мечот, уште во третата минута имаше фантастична шанса по која ја погоди стативата. Брзо потоа се закани и Барселона.

Резултатот беше отворен во 24. минута кога по една убава акција, Гамеиро постигна гол и донесе водство за Валенсија од 1-0.

Само осум минути подоцна Валенсија го зголеми водството, Серхи Роберто направи прекршок за пенал, а Парехо реализираше за 2-0.

Во 39. минута пенал и на спротивната страна, Меси реализираше од белата точка за намалување на водството на Валенсија на 2-1.

Во 63. минута Валенсија пропушти огромна шанса за зголемување на водството, а казната стигна во следниот напад кога Меси од далечина постигна убав гол за конечни 2-2.

Извор: 24FUDBAL.com.mk