Шпанија | Кристијано Роналдо постигна гол на првиот меч по паузата поради повреда, а Реал Мадрид со убедливи 5-2 ја победи Осасуна...



Реал Мадрид немаше проблеми против Осасуна и лесно ги освои трите планирани бода во ефикасен меч со седум погодоци.

Серијата ја отвори Кристијано Роналдо уште во 6. минута од натпреварот, ова за португалскиот играч беше прв меч по повредата во финалето на Европското првенство.

До крајот на полувремето Данило и Рамос погодија за убедлива предност од 3-0 на Реал Мадрид.

Кралскиот клуб одлично го почна и вториот дел, преку Пепе и Модриќ дојдоа до голема предност од 5-0.

До крајот на натпреварот, Осасуна преку Торес и Гарсија успеа да го ублажи поразот на 5-2.

Атлетико Мадрид дојде до првата победа во новата сезона совладувајќи ја Селта на нејзин терен со убедливи 4-0.

Два гола беа дело на Антоан Гризман, по еден постигнаа Коке и Кореа.

Извор: 24FUDBAL.com.mk