МЕНИ

Англија | Заврши трансфер сагата на Пол Погба, францускиот фудбалер се врати во Манчестер јунајтед и потпиша пет годишен договор со „црвените ѓаволи“...

Погба за рекордна сума од 89 милиони фунти од Јувентус се пресели во Манчестер јунајтед од каде замина во 2012 за 1,5 фунти.

„Манчестер јунајтед со задоволство може да соопшти дека Пол Погба го комплетира неговиот трансфер од Јувентус. Тој потпиша пет годишен договор со можност за продолжување на уште една“ - стои во соопштението на клубот.

23-годишниот Погба е среќен што се враќа во Манчестер јунајтед.

„Среќен сум што се враќам во Јунајтед. Овој клуб секогаш имал посебно место во моето срце, сакам да работам со Жозе Мурињо. Уживав во времето поминато во Јувентус, имам фантастични спомени од таму и нови пријатели. Но почувствував дека е вистинско време да се вратам на Олд Трафорд. Не можам да дочекам да почнам да давам допринос во овој тим. Мислам дека ова е вистинското место за да освојам се што сакам во фудбалот“ - вели Погба.

Жозе Мурињо очекува Погба да биде клучна фигура во Манчестер јунајтед во наредните години.

„Пол е еден од најдобрите во светот и ќе биде клучна фигура во тимот на Јунајтед. Брз е, силен, постигнува голови и ја чита играта подобро од многу играчи кои се постари од него. Има 23 години и иднината е пред него, млад е и ќе продолжи да напредува, има шанси да биде во срцето на овој клуб во следната декада“ - вели Мурињо.