Англија | Жозе Мурињо одбивa да ги дискутира шпекулациите за трансфер на Пол Погба во Манчестер јунајтед и само вели дека до крајот на месецот на Олд Трафорд ќе пристигне уште еден играч...



Со месеци се пишува дека Пол Погба е топ трансфер цел на „Црвените Ѓаволи“, во неколку наврати беше пренесено дека Французинот е на чекор до Манчестер јунајтед но се уште нема пристигнато официјална потврда.

Жозе Мурињо одбива да ги коментира ваквите шпекулации и само вели дека до крајот на продниот рок ќе пристигне уште еден нов фудбал.

„Ќе ангажираме уште еден играч, тоа е сигурно” – рече „Специјалниот“ по вчерашниот пријателски натпревар со Евертон.

„Не сакам да зборувам за Пол Погба бидејќи тој е фудбалер на Јувентус. Не ми се допаѓа кога другите менаџери зборуваат за моите играчи, па и јас не зборувам за нивните”.

„Но можам да кажам дека ќе ангажираме уште еден играч. Трансфер пазарот е отворен до 31. август, имаме уште многу време но преферирам да го донесеме засилувањето пред почетокот на новата сезона во Премиерлигата”.

Извор: 24FUDBAL.com.mk