Македонија | Давид Бабунски доби шанса од првата минута против Маталец и максимално ја искористи, Црвена звезда победи со 3-1, а Македонецот беше еден од најдобрите на теренот...
На почетокот од сезоната Бабунски не беше ниту на списокот на фудбалери кои ќе играат во Лигата на шампионите, беше вметнат за дуелите со Лудогорец, но ниту во Бугарија не доби шанса.
Тренерот конечно му укажа можност против Металец во домашниот шампион, а Бабунски максимално ја искористи покажувајќи го својот раскошен талент.
„Уживав на теренот. Задоволен сум што екипата ги освои трите бода, среќен сум што тренерот ми даде шанса и што ја искористив“ - вели Бабунски за српски „Журнал“.
„Бев трпелив, решив да дадам се од себе и да ја чекам шансата. Знаев дека нервозата не води никаде“.
Бабунски беше изваден од игра во самиот финиш од мечот и доби големи овации од публиката на Маракана.
„На секој играч му значат аплаузите, не размислував на тоа што ќе се случи кога ќе излезам, поубаво е кога не очекуваш“.
Навивачите на Црвена звезда се презадоволни од Бабунски, голем дел од нив бараат тој да биде стартер и на реваншот против Лудогорец.
Во меѓувреме „филозофот“ од Барселона пишува и книга која планира да ја издаде на шпански, англиски, српски и македонски јазик.
„Не е лесно да се напише бидејќи секој ден учам по нешто ново. Кога ќе прочитам што сум напишал пред три, четири месеци, помислувам дека мора да се подобри. Не се брзам, кога ќе ја завршам планирам да ја издадам на шпански јазик а да биде преведена и на англиски, српски и македонски“ - изјави Бабунски.
Извор: 24FUDBAL.com.mk
