Шпанија Пеп Гвардиола вели дека следните неколку денови можат да се покажат како клучни за освојувањето на титула во Ла Лига и Лигата на Шампионите

Во следните седум дена Барселона ќе одигра три натпревари – Ксерез, Интер и Виљареал – и Пеп на денешната прес-конференција вели дека Барса е пред одлучувачката недела.

“Оваа недела играме против Ксерес, Интер и Ваиљареал и мислам дека таа ќе биде одлучувачка за се, за двете титули.”

“Нема да се грижиме за другите бидејќи се зависи од нас и не смеме да дозволиме да ги наведнеме главите. Ќе биде потребен голем напор и залагање, но перидот е краток.”

“Очекувам фановите да ни помогнат на утрешниот натпревар и на натпреварот во среда против Интер. Тие сега ни се потребни повеќе од било когаш.”

Гвардиола побара од своите играчи сега да бидат фокусирани на дуелот со Ксерез но е свесен дека тие нема да можат од мислите да го тргнат дуелот со Интер.

“Ние сме подготвени. Но тешко дека ќе можеме да го тргнеме Интер од мислите и целосно да бидеме блокирани на таа тема.”

“Но потребно е да го сториме тоа. Голема ментална сила ќе биде потребна и знаеме дека не очекува напорна работа.”

Запрашан дали дуелот со Ксерез може да има некакво влијани врз дуелот со Интер, Гвардиола додаде: “Секој натпревар има влијание врз следниот. Сите треба да запамтат дека во изминативе 19 или 20 месеци завршивме одлична работа. Но тоа признание ќе биде уште поголемо доколку победиме.”

Пеп е свесен со каква опасност ќе се сретнат утре против тимот на Ксерез, кој се бори за опстанок.

“Тие останаа непоразени на последните три натпревари и сеуште се борат за опстанок.”

“Ќе биде потребно на овој натпревар да му пристапиме многу сериозно. Горосито одлично ја врши работата во Ксерез.”

Powered by: 24 FUDBAL.com.mk