Македонија | Тренерот на Вардар, Гоце Седлоски им честиташе на своите фудбалери за прикажаната игра на Максимир, и вели дека на двата натпревари покажале дека можат да се носат со Динамо...



„Црвено-црните” одиграа одличен натпревар на гостувањето во Загреб, во два наврати имаа водство, но на крајот одново загубија и се збогуваа со настапот во Лигата на Шампионите уште во второто коло од квалификациите.

„Му честитам на Динамо за пласманот во следниот круг” – рече тренерот на Вардар, Гоце Седлоски.

„Им честитам и на моите играчи кои го дадоа максимумот”.

„Се обидовме да победиме, но не успеавме. Одново одигравме натпревар за навивачите, со многу голови”.

„На двата натпревари покажавме дека можеме да се носиме со Динамо, па задоволен сум што можеме да се надигуравме со екипа која постојано игра во групната фаза од Лигата на Шампионите”.

Тој исто така се пожали дека при првиот пенал за Динамо Загреб судијата не требал да покаже на белата точка.

„Од она што ми го кажаа играчите, а и од она што јас го видов мислам дека првиот пенал за Динамо не постоеше”.

„Но таков е фудбалот”.

Извор: 24FUDBAL.com.mk