Македонија | Палермо со убедливи 10-0 го прегази австрискиот нисколигаш АСКО Митлерн, одличен меч за македонските фудбалери, Трајковски даде два гола, имаше и асистенција, Несторовски го реализираше својот деби погодок за италијанскиот тим...



Трајковски и Несторовски беа стартери на мечот и го одиграа првото полувреме, во вториот дел настапи комплетно нова постава.

Резултатот го отвори Трајковски со гол уште во 2. минута од натпреварот, 15. минути подоцна му асистираше на Куаисон за зголемување на 2-0.

Во 29. минута Трајковски го постигна својот втор гол на натпреварот, а шест минути подоцна Несторовски го запиша својот деби погодок во дресот на Палермо.

Првото полувреме заврши со 4-0, а нашите фудбалери беа во главната улога.

До крајот на мечот Палермо уште шест пати ја тресеше мрежата на слабиот противник.

Извор: 24FUDBAL.com.mk