ЕУРО 2016 | Капитенот на Португалија, Кристијано Роналдо го опиша ремито од 3-3 против Унгарија како луд натпревар и вели дека во три наврати помислиле дека се враќаат дома...



Унгарија и Португалија одиграа возбудлив натпревар на кој имаше дури шест погодоци, но иако немаше победник, двете репрезентации беа среќни со резултатот со оглед на тоа дека обезбедија пласман во осминафиналето.

„Ова беше луд натпревар” – рече Кристијано Роналдо, кој постигна два погодока. „Целта беше да победиме, но најважно е што сме во осминафинале”.

„Три пати мислевме дека се враќаме дома”.

Во осминафиналето, Португалија за противник ќе ја има Хрватска.

„Шансите ни се 50/50, се надевам дека ќе продолжиме понатаму”.

„Очекувам тежок дуел, Хрватска има навистина добри играчи. Не е лесно да се победи Шпанија, па ги почитуваме”.

„Но знаеме кои се нашите силни страни, знаеме каков е нашиот квалитет и ќе играме без страв”.

Извор: 24FUDBAL.com.mk