Англија | Давид Де Геа е задоволен што „Црвените Ѓаволи“ го замениле Луј ван Гал со Жозе Мурињо, вели дека ангажман на „Специјалниот“ е прав потег...



По две години на кормилото на Олд Трафорд, лидерите на Манчестер јунајтед решија да се разделат со Луј ван Гал и на негово место го именуваа Жозе Мурињо.

Давид Де Геа е задоволен од пристигнувањето на „Специјалниот“ и вели дека ангажман на Португалецот е прав потег.

„Во Јунајтед ни беше потребен тренер како Мурињо, победник со карактер. Неговиот ангажман е прав потег” – вели Шпанецот.

Минатото лето, Давид Де Геа беше на чекор до потпис со Реал Мадрид, но трансферот пропадна во последен момент, а подоцна голманот стави потпис на нов договор.

Се најавуваше дека „Кралевите“ ова лето ќе испратат нова понуда, но последните извештаи велат дека лидерите на Реал одлучиле да се откажат од намерата да го ангажираат Де Геа.

„Многу сум му благодаран на Манчестер јунајтед и тука сум многу среќен”.

Извор: 24FUDBAL.com.mk