СП 2010 Агентот на Хидинк, вели дека холандскиот стратег сеуште не се договорил со селекцијата на Брегот на Слоновата Коска.

Медиумите синоќа излегоа со шпекулација дека Гус Хидинк веќе се договорил со федерацијата на Брегот на Слоновата Коска да ја води репрезентацијата на Светското првенство во Јужна Африка.

"Информациите велеа дека Гус постигнал договор со Федерацијата на Брегот на Слоновата Коска. Но и двете страни сеуште се во преговори" - изјави агентот за Метро.

"Брегот на Слоновата Коска посакува Гос да биде новиот селектор, но треба прво да постигнеме согласност со Руската Фудбалска Федерација".

"Кога ќе ја решиме ситуацијата со Русија, Гус ќе треба да ги договори личните услови со Федерацијата на Брегот на Слоновата Коска".

Некои извештаи велат дека Руската Федерација не е расположена да му излезе во пресрет на Хидинк. Тие ќе бараат финансиски надомест за предвремено раскинување на договорот кој истекува во јуни.

Powered by: 24 FUDBAL.com.mk