Шпанија Играчот од средниот ред на Севиља, Хесус Навас одбива да говори за шпекулациите кои го поврзуваат со трансфер во Реал Мадрид

Минатата недела медиумите од Шпанија објавија дека Хесус Навас е новото име на листата желби на Кралскиот Клуб.

Шпанскиот интернационалец игра во извонредна форма во дресот ан Севиља поради што дебитираше во составот на Висенте Дел Боске, кај кого ужива се поголема доверба и се очекува да обезбеди место на мондијалот во Јужна Африка.

Во среда Шпанија игра со Франција во Парис но она кон што повеќе е фокусиран Навас е саботниот натпревар на Сантијаго Бернабе и дуелот помеѓу Реал Мадрид и Севиља.

“Тоа ќе биде убав и возбудлив дуел. Сакам да уживам во него.” – рече Навас.

Запрашан за шпекулациите на медиумите и интересот на Реал Мадрид, играчот одби да коментира и само кратко рече: “Јас сум среќен во Севиља и во моментов сум фокусиран само на тоа.”

Неговиот пријател Серхио Рамос минатата недела на медиумите им откри дека Навас е добредојден во Реал и дефанзивецот дури рече дека го преферира играчот на Севиља наместо Франк Рибери.

“Јас и Рамос сме добри пријатели и зборовите кои ги кажа тој ми причинуваат задоволство и ме прават среќен.”

Powered by: 24 FUDBAL.com.mk