Англија | Поранешниот агент на Фалкао, Силвано Еспиндола открива дека напаѓачот дури и плачел поради неговата ситуација во Манчестер јунајтед...
Пред самиот крај на преодниот рок, Манчестер јунајтед го ангажираше Радамел Фалкао на позајмица од Монако.
По тешката повреда, колумбискиот напаѓач се чини дека не беше доволно подготвен за враќање меѓу најдобрите, па неговиот престој во Јунајтед е полош од сите очекувања.
Фалкао постигна само четири погодоци за Јунајтед иако важеше за еден од најдобрите напаѓачи во светот, го загуби местото во првиот тим, а имаше натпревари кога не беше ниту на клупата за резервни фудбалери.
Неговиот поранешен агент, Силвано Еспиндола за колумбиските медиуми вели дека постојано е во контакт со Фалкао и открива дека фудбалерот дури и плачел поради неговата ситуација во Јунајтед.
„Зборуваме често. Не можам да кажам дека е среќен, бидејќи не е. Зборувавме многу пати и плачевме заедно" - вели Еспиндола.
„Неговата ситуација не е лесна бидејќи секој фудбалер сака да игра, секој голгетер сака да постигнува голови, тоа е нормално".
„Но во моментов не постигнува голови и тоа е дел од фудбалот, ќе се врати во неговата најдобра форма".
„Кога зборувавме му кажував дека тоа што му се случува нему е составен дел од фудбалот, му се случува на секој напаѓач, да има лоша серија натпревари, одреден дел од кариерата да биде во лоша форма".
„Кога не постигнувате голови, почнувате да чувствувате притисок, и тоа ви прави проблем".
Извор: 24FUDBAL.com.mk
