Англија | Менаџерот на Арсенал, Арсен Венгер верува дека правилото гол во гости е застерено и бара УЕФА да размисли за промени...



’Топџиите’ токму поради ова правило беа елиминира од Лигата на Шампионите во осмина-финалната пресметка со Монако, откако загубија со 3-1 пред своите фанови а славеа со 2-0 на гостувањето на Луј Втори Стадионот.
 
Арсен Венгер не се обидува да најде изговор за неуспехот на Арсенал во најелитното европско натпреварување, но верува дека правилото гол во гости е застарено и не соодветствува со денешниот модерен фудбал.
 
„Два тима беа елиминирани поради гол во гости, па треба да се направи ревизија на ова правило” – рече менаџерот на ’Топџиите’ на денешната прес конференција.
 
„Според мене, ова правило е застарено и треба да се промени. Се залагам за ова подолго време”.
 
„Ова правило е креирано во шеесетите години на 20. век со цел тимовите да напаѓаат повеќе кога играат на гостински терен”.
 
„Но фудбалот сега е многу променет, тежината на голот во гости во денешно време е огромна”.
 
„Можеби треба да важи во екстра-периодот, како што е случајот со Лига Купот во Англија”.

Извор: 24FUDBAL.com.mk