Англија | Асистент менаџерот на ’Сините’, Стив Холанд вели дека нема шанси Лео Меси да се пресели на Стемфорд Бриџ поради правилата кои ги наметнува Финансискиот Фер-Плеј...



Во последно време се погласно се говори дека Аргентинецот ќе замине од Камп Ноу, а Челзи се споменува како можна следна дестинација.
 
Медиумите од ’Островото’ говорат дека на ’Сините’ ќе им биде потребна инвестиција од 500 милиони фунти доколку сакаат да стигнат до услугите на Лео Меси.
 
Зборувајќи на денешната прес-конференција, асистент менаџерот на Челзи, Стив Холанд ги отфрли ваквите стории.
 
Тој вели дека е невозможно да се реализира една ваква зделка поради правилата кои ги наметнува Финансискиот Фер-Плеј.
 
„Жозе стави јасно до знаење дека не посакува промени на составот во зимскиот преоден рок” – рече Холанд. „Апсолутно сме среќни со играчите кои ги имаме”.
 
„Невозможно е да го ангажираме Лео Меси поради правилата за Финансиски Фер-Плеј”.
 
„Доколку ги погледнеме бројките што кружат низ медимите, мислам дека една ваква зделка е невозможна не само за Челзи, туку и за било кој друг клуб”.

Извор: 24FUDBAL.com.mk