Шпанија | Капитенот на Реал Мадрид, Икер Касиљас вели дека на Сантијаго Бернабеу нема место за Лео Меси...



Се шпекулира дека Аргентинецот не е во најодбар однос со лидерите на Барселона и со тренерот Луис Енрике, па се погласни се сториите кои велат дека напаѓачот ќе замине од Камп Ноу.
 
Мал број на клубови поседуваат финансиска моќ да го купат Лео Меси, Реал Мадрид е еден од нив, но според Икер Касиљас, на Сантијаго Бернабеу нема место за репрезентативецот на ’Гаучосите’.
 
Капитенот на ’Кралевите’ во интервју за емисијата ’El Partido de las 12’ на Cope вели: „Не знам дали има вистина во сториите за кавга помеѓу Меси и Луис Енрике”.
 
„Дали би го ангажирал Лео доколку тој биде ставен на продажба? Не”.
 
„Во моментов, со играчите кои ги имаме, сме многу добри и бележиме одлични резултати”.
 
Запрашан дали може да го види Лео Меси во друг клуб, Касиљас додава: „Мислам дека Барса е неговиот дом”.

Извор: 24FUDBAL.com.mk