Англија | Лојалноста е карактеристика која исчезнува во модерниот фудбал, мал е бројот на играчи кои носеле дрес само на еден клуб...
По информациите за заминувањето на Стивен Џерард од Ливерпул, „Сандеј Тајмс“ направи табела на најлојалните фудбалери кои во моментов играат во Премиерлигата.
За да се најде на оваа листа, фудбалерот мора да има играно само за еден тим во Премиерлигата.
Прва на листата е Стивен Џерард со 695 натпревари за Ливерпул, втор е капитенот на Челси, Џон Тери со 621.
Потоа следуваат Лион Осман од Евертон (343), играчот на Манчестер Јунајтед, Дарен Флечер (341), Агбонлахор од Астон Вила (302), Тони Хиберт од Евертон (296) и Марк Нобл од Вест Хем (275).
Извор: 24FUDBAL.com.mk
