Италија | Откако го ангажираа Лукас Подолски, шпекулациите велат дека Интер има големи шанси да го обезбеди и потписот на Џердан Шакири од Баерн Минхен...



Според најголемите италијански спортски весници, Интер е лидер во трката по Шакири кој преферира да го облече црно-синиот дрес и покрај интересот од Ливерпул.
 
Јувентус исто така беше еден од оние кои се поврзуваа со Шакири, но информациите велат дека шампионот тргнал по Снајдер.
 
Интер сака да го позајми Шакири до крајот на сезоната со опција целосно да го откупи, Ливерпул нуди 14 милиони евра, па последниот збор ќе го има Баерн Минхен.
 
Преодниот рок започна одлично за навивачите на Интер, Подолски потпиша, а се најавуваат уште големи засилувања, Манчини го крои тимот со кој сака да се врати во италијанскиот фудбалски врв.

Извор: 24FUDBAL.com.mk