МЕНИ

Англија | Жозе Мурињо е полн со критики за судењето на Фил Дауд на дерби натпреварот против Тотенхем на кој Челзи прими неверојатни пет погодоци...

Челзи губи бодови во последните натпревари, Сините загубија дури 10 на последните осум средби и му дозволија на Манчестер Сити да се израмни на врвот.

Жозе Мурињо уште еднаш имаше што да им забележи на судиите, Португалецот ја потенцира одлуката да не биде досуден пенал за Челзи по играњето со рака на Јан Вертонген во сопствениот шеснаесетник.

„Повеќе сум шокиран од некои други работи отколку од петте примени гола. Шокиран сум дека за само три дена, имаше две неверојатни одлуки на наша штета кои директно влијаеа на резултатот" - вели Мурињо.

„Еден Азар ми рече дека тоа не било фаул и црвен картон кога беше фаулиран во второто полувреме, Фил Даут беше премногу бавен за да биде во близина на топката, но донесе правилна одлука и тоа е добро".

„Но во второто полувреме беше на десет метри до настанот и не досуди пенал, на резултат од 1-0, доколку постигневме гол за 2-0, натпреварот ќе се одвиваше поинаку".

„Тренерите и фудбалерите победуваат или губат, но господинот Дауд не губи. Ова се одлуки кои многу тешко се прифаќаат".