Италија | Судијата кој го судеше дербито помеѓу Јувентус и Рома, требаше да биде главен арбитар и на вечерашниот натпревар помеѓу Македонија и Луксембург но тоа нема да се случи, Роки доби суспензија...



Контроверзниот судија кој го привлече вниманието на себе со арбитражата на натпреварот помеѓу Јувентус и Рома, заработи суспензија.
 
Роки вечерва требаше да се појави на центарот на Арената Филип Втори во Скопје, но на негово место е назначен неговиот сонародник Паоло Мацолени.
 
Покрај натпреварот на нашата репрезентација, Роки требаше да суди уште два меча во квалификациите за ЕП, Шведска - Русија и Кипар - Израел, сепак во последен момент е симнат од листата, а неговото место ќе го завземат Мацолени, Рицоли и Росато.
 
Покрај УЕФА, Роки доби суспензија и од Италијанската Федерација, па нема да биде делегиран во наредните четири кола од Серија А.

Извор: 24FUDBAL.com.mk