Зинедин Зидан знае како се чуствува Диего во својата прва сезона како член на Јувентус, и француската легенда имал сличнен почеток на својата авантура во Торино.

Легендарниот Зинедин Зидан на 24 години од Бордо се пресели во Јувентус, очекувањата во таборот на Старата Дама од овој трансфер беа огромни.

Но тој не успеа да се адаптира во првата сезона, слично како и Диего кој дојде за 25 милиони евра од Вердер ова лето.

"Играв лошо во првите три месеци. Сите сакаа да се ослободат од мене, но за среќа таму беше Марчело Липи кој секогаш имаше доверба во мене и ме штитеше" - вели Зидан.

"Потребно е време и трпение со новите странски играчи. Но вредноста на Диего не треба да се дискутира. Тој е голем фудбалер".

Зидан беше запрашан дали знае нешто повеќе за информациите кои го поврзуваат Липи со враќање во Јувентус.

"Тој не ми кажал ништо за неговата иднина, но мислам дека еден ден ќе стане Претседател, тој е интелегентен човек".

Некогаш најдобриот фудбалер во светот проговори и за кризата на Јуве.

"Ова не е лесен момент и многу сум загрижен. Поврзаноста помеѓу мене и клубот е силна. Јувентус ме направи голем и ме научи како да победувам".

"Јуве е Јуве, сите би сакале да играат таму. И прекрасно е тоа што секогаш има французи во клубот, Платини, јас, Дешамп, Трезеге и сега претседателот Блан".

"Доколку треба да му кажам некоја работа на Чиро, тоа би било да остане смирен и да се концентрира на неговите цели".

"Освојување на Лига Европа би било важно. Тоа би му овозможило на Јуве да игра во Европскиот Супер Куп. Се надевам против Реал" - заврши Зидан.

Powered by: 24 FUDBAL.com.mk