Останато | Спалети повеќе не е тренер на Зенит, заврши четири годишниот успешен престој на Лучиано во рускиот клуб...



На последните 11 натпревари Зенит оствари само една победа, лошата серија на резултати е причината поради која раководството реши да се раздели со Спалети.
 
Чашата ја прелеа нерешениот резултат, 0-0 на домашен терен против Том Томск во руското првенство.
 
Лучиано Спалети четири години беше на кормилото на Зенит, го предводеше тимот до две шампионски титули, рускиот куп и за прв пат го однесе тимот во нокаут фазата од Лигата на Шампионите.
 
Привремен тренер на Зенит ќе биде поранешниот руски фудбалер од средниот ред, Сергеи Семак.
 
Наскоро се очекува да почнат шпекулации кои ќе го поврзуваат Спалети со враќање во Серија А.

Извор: 24FUDBAL.com.mk