Според медиумите од Англија, екипата на Челзи е погодена од вестите дека напаѓачот Дидиер Дрогба ќе мора да паузира до три недели...

Веќе беше потврдено дека напаѓачот ќе го пропушти настапот за својата селекција против селекцијата на Гвинеја откако Дрогба сеуште се мачи со повреда по натпреварот со Манчестер Јунајтед.

Интернационалецот од БСК се повреди при еден дуел со Џони Еванс, кога дефанзивецот на ’Црвените Ѓаволи’ со нога го удри Дрогба во пределот на градите.

The Sun објави дека лекарскиот тим на Челзи се надева дека Дрогба има само модрици но по деталните прегледи извршени во родната земја на напаѓачот е установено дека играчот има скршено ребро.

Доколку информациите на весникот се точни, можно е Дрогба да отсуствува до три недели и да го пропушти дуелот со Арсенал кој се игра при крајот од месецов.

Карло Анчелоти не може да биде задоволен од медицинскиот билтен што го добива во последните неколку дена, откако најпрво остана без Ешли Кол, потоа Жозе Босингва, па Франк Лампард за на крајот да остане и без Дидиер Дрогба.

Powered by: 24 FUDBAL.com.mk