...на неговиот клиент во Манчестер Јунајтед
17 годишниот Погба се пресели на Олд Трафорд од редовите на Ле Авр, трансфер кој предизвика неговиот поранешен клуб да покрена правна постапка против Црвените Ѓаволи.
Јунајтед не е загрижен поради обвинувањата на Ле Авр верувајќи дека нема ништо нелегално во трансферот на Погба, но клубот од Франција нема да се откаже од докажување дека тие се во право.
Ле Авр најави дека целиот случај ќе го презентира пред ФИФА – светското фудбалско тело неодамна го казни Челзи со забрана за трансфери до 2011, поради нелегален ангажман на Гаел Какута од Ленс.
Но агентот на Погба инсистира дека Јунајтед нема направено ништо погрешно и додава дека тие едноставно покажале верба во играчот.
“Секако, играчот доби добар договор. Но парите не се единствен мотиватор за млад играч и неговите родители да ја променат земјата.” – рече Гаел Махе.
“Тие исто така се задоволни од начинот на кој луѓето гледаа кон нив, сериозноста на преговорите, покажаната почит.”
“Дали знаете што Јунајтед испрати за мајката на Погба? Не беше голем чек, туку букет цвеќе. Тоа чинеше 30 евра но мајката беше поласкана од потегот. Таа почувствува голема верба.”
“Таткото доби книга со историјата на клубот додека пак Пол доби дрес со бројот 6 и неговото име. Тоа е симбол, и тие почувствуваа дека Јунајтед има почит кон нив.”
Исто така и мајката на Погба, Јео ги негираше обвинувањата дека добила куќа како дел од преселбата на нејзиниот син во Англија.
“Приказната за куќата ги натера луѓето од хотелот да се смеат. Доколку сум добила куќа, зошто би живеела во хотел? Можам да ве осигурам дека Манчестер Јунајтед не ни дал ништо.”
“Ле Авр не се грижеше за мојот син. Кога Пол пропушти часови бидејќи настапуваше на еден турнир со тимот, побаравме тој да надохнади но Ле Авр не се грижеше.”
“Разбравме дека клубот не верува во него. Тие им понудија договори на сите играчи кои имаа исти години, но ништо на Пол.”
“Довербата веќе беше нарушена.”
Powered by: 24 FUDBAL.com.mk
