Според медиумите од Шпанија, Лео Меси денеска ќе стави потпис на новиот договор со Барселона според кој ќе остане на Камп Ноу до 2016

Обновувањето на договорот на Лео Меси беше еден од приоритетите на Хуан Лапорта и клубот подолго време е во преговори со Аргентинецот.

Претседателот на Каталонците најави дека до крајот на неделава Меси ќе ја обнови верноста со клубот а скоро сите шпански медиуми пренесоа дека Аргентинецот уште денеска ќе стави потпис на новиот договор

Барса очекувала Меси уште вчера да ја продолжи верноста до 2016 откако начелно била постигната согласност со таткото на играчот, двете страни оставиле некои ситни детали да бидат договорени утрово.

Сега се очекува попладнево Меси да пристигне во канцелариите на Каталонците и да стави потпис на новиот договор.

Покрај тоа што Меси ќе добие значително зголемување на платата, во новиот договор и откупната клаузула ќе биде многу поголема и од сегашните 150 милиони ќе се искачи на 250 милиони (постојат и шпекулации кои велат дека ќе изнесува 300 милиони).

Powered by: 24 FUDBAL.com.mk