МЕНИ

Нови лоши вести за тренерот на Јувентус Чири Ферара во пресрет на дуелот со Ливорно откако Фабио Канаваро, Фелипе Мело и Тиаго се надвор од комбинација

Утрово беа извршени детални прегледи врз тројцата фудбалери за да се утврди точната дијагноза по повредите кои играчите ги заработија на дуелите со Бордо во вторникот.

Најлошо помина дефанзивецот Канаваро кој ќе ги пропушта дуелите со Ливорно, Џенова и Болоња а најверојатно и дуелот против Баерн Минхен во Лигата на Шампионите, кој е на програмата на 30 септември.

Тиаго и Фелипе Мело поминаа полесно и се очекува многу наскоро да се вратат во тимот на Старата Дама.

Според официјалната веб страна на Јувентус, Канаваро има повреда на бутниот мускул поради која во следните 15 до 20 дена, италијанскиот интернационалец ќе работи под водство на физиотерапефтите.

Тиаго исто така има ситна повреда на бутниот мускул а Фелипе Мело само го свиткал незгодно левиот скочен зглоб, па двајцата играчи ќе одмараат 7 дена и се очекува да бидат подготвени за дуелот со Џенова.

Во меѓувреме, Дел Пиеро, Диего и Салихамиџиќ продолжуваат со опоравувањето додека пак Григера целосно се опорави од повредата и работи со останатито дел од групата.