МЕНИ

Македонија поразена од Шкотска, нашата фудбалска репрезентација со наведнати глави го напушти Нампден Парк, сите шанси за втората позиција се загубени.

Ново разочарување, Македонија доживеа пораз на гостувањето кај Шкотска со 2-0 и ги загуби шансите за втората позиција на табелата.

Уште еднаш се покажа дека не можеме на да победиме на натпреварите на кои мораме да го направиме тоа.

По којзнае кој пат нашата репрезентација одигра одлично прво полувреме но лошо второ.

Македонија одлично го почна натпреварот, одигравме солидно прво полувреме и бевме подобар противник од домаќинот.

Горан Пандев имаше два убави шута кон голот на Гордон, но голманот на шкотска ги одбрани и двата.

Шкотска не успеа посериозно да се закани кон голот на Николовски во првиот дел.

Во второто полувреме сосема поинаква слика на теренот, Шкотска тргна силно во офанзива, падна играта на Македонија.

Најпрво МекФаден имаше идеална можност, но биеше катастрофално лошо над голот на Николовски.

Веќе следната минута можевме да казниме, Пандев излезе очи во очи со Гордон, голманот на Шкотска и по трет пат поуспешен, ја пропуштивме најдобрата наша шанса.

Во 56та минута домаќините казнуваат, по асистенција на Стивен Флечер, Скот Браун со глава ја тресе мрежата на Николовски, Шкотска води 1-0.

Шкотска продолжуваше со офанзивата, Македонија се обидуваше да воспостави рамнотежа.

Во 63та минута пропуштивме одлична шанса да го израмниме резултатот, убава асистенција на Пандев до Георгиевски кој од идеална позиција бие високо над голот на Шкотска.

На десет минути пред крајот Џејмс МекФаден убаво ја помина нашата одбрана, го помина и Јане Николоски и ја затресе празната мрежа и ја запечати победата на својата репрезентација.

Големо е разочарувањето по поразот од Шкотска, дуелот против Норвешка во среда ќе биде само борба за третото место на табелата.