Феликс Магат, стратегот на Шалке потврди дека екипата на Јувентус доставила понуда за услугите на Рафиња

Италијанските медиуми уште пред неколку дена објавија дека десниот бек на Шалке, Рафиња е една од целите на Старата Дама за засилување на одбраната.

Се шпекулираше дека Бразилецот ќе биде последното засилување на тимот од Торино но поради високата цена што ја постави Шалке, Јуве реши да се насочи кон левиот бек на Лион, Фабио Гросо.

Стратегот на Шалке, Феликс Магат потврди дека тие добиле понуда од Јуве за Рафиња но не сакаше да открива ништо повеќе.

“Точно е дека Јувентус достави понуда за Рафиња.” – рече Магат за Bild.de.

Весникот вели дека понудата на Бјанконерите била околу 8 милиони евра, но Шалке бара поголема сума од таа.

Powered by: 24 FUDBAL.com.mk