Капитенот на Арсенал, Цеск Фабрегас ги обвини играчите на Селтик и нивните жестоки стартови за неговата последна повреда
Настапот на Цеск Фабрегас на дуелот со Селтик како и дербито со Јунајтед кое се игра во сабота е под знак прашалник откако младиот Шпанец има проблеми со тетивата зад коленото.
Капитенот на Топџиите беше заменет на полувреме од дуелот со Портсмут во саботата, кој Арсенал го доби со 4-1 и Венгер призна дека тие стравуваат од пауза на Цеск долга до три недели.
Денеска играчот ќе подлежи на детални тестови за да се утврди точната природа на повредата по што ќе се знае колку точно ќе треба да паузира.
Самиот играч верува дека голема заслува за неговиот проблем со повредите треба да им се препише на фудбалерите на Селтик и нивните груби стартови.
“Никогаш не очекувате некој да ве удри три или четири пати на едно исто место, точно во мојот десен зглоб, но понекогаш се случува тоа.”
“Морате да го прифатите тоа и единствено нешто што можете да го сторите е да истраете и да продолжете, да не дозволите тоа да ве оневозможи да го играте вашиот фудбал.”
“Но по натпреварот во Глазгов имав голем број на модринки.”
“Тоа беше чуден натпревар. Селтик не играше на долги топки и се обиде да игра добар фудбал, нешто што не мислев дека ќе го сторат.”
“Иронијата за мене е тоа што имав добро лето и кога пристигнав во клубот се чуствував силен. Се чуствував многу подобро отколку минатата година.”
“Сега треба да почекам и да видам дали ќе можам да играм на дуелот со Селтик.”
Powered by: 24 FUDBAL.com.mk
