Техничкиот секретар на Барселона, Чики Бегиристан вели дека стратегот Пеп Гвардиола одлучил Самуел Ето да биде продаден и открива дека Златан секогаш бил првата цел

Зборувајќи на генералното собрание на Барселона, Бегиристан исто така потврди дека тие се во обид да ангажираат еден до двајца фудбалери но предупреди дека е многу тешко да се добијат играчите кои ги посакуваат.

Исто така тој најави дека Лео Меси и Андрес Ињеста ќе добијат нови договори.

“Сакавме да го задржиме Ето, го препознаваме квалитето што тој го има, но според нашиот тренер, менаџирањето на составот ќе биде многу подобро доколку тој не е дел од тимот.” – рече Бегиристан.

“Мораше да има промена и промената беше Ибрахимович.”

“Тој беше нашата прва опција, но исто така и најтешката. Тој е одличен голгетер, силен фудбалер со извонредни квалитети. Тој носи нешто ново во тимот и нашата игра со неговата висина.”

“Ќе биде тешко да го задржиме нивото од минатата сезона но ќе се обидеме. Најлесно е да се каже дека кога нешто работи нема потреба за менување.”

“Тоа го сторивме во 2006 и на крајот се покажа како лоша одлука. Истото тоа го сугерираше тренерот по крајот на минатата сезона.”

“Ќе направиме додатни засилувања но нема да биде лесно. Кога ќе видите какви суми бараат за Адебајор и Виља верувам дека е подобро да се ослониме на младите играчи.”

“Сакавме да ангажираме неколку играчи но работите на трансфер пазарот станаа луди. Цените се премногу високи и ангажманот на играчите што ги посакуваме е невозможен.”

“Ќе треба да избереме дали да настапиме на пазарот или пак да се потпреме на играчите од младинскиот тим. Тренерот добри ги познава и верува во нив.”

Бегиристан исто така потврди дека планираат да ги продолжат договорите на Лео Меси и Андрес Ињеста откако тоа претходно го сторија Виктор Валдес, Чави и Јаја Туре.

“Тој (Меси) е најдобриот фудбалер во светот.” – рече Бегиристан а потоа додаде дека ќе се обидат да ја донесат платата на Ињеста ’во согласност со моменталната реалност’.

Powered by: 24 FUDBAL.com.mk