Португалскиот интернационалец се поврзуваше со преселба во Интер ова лето но превисоките барања на Челзи го одвратија шампионот на Италија од своите првични намери.
Анчелоти подоцна најави дека смета сериозно на услугите на Деко и поранешниот играч на Барселона на вчерашниот дуел со Сандерленд беше стартер.
Деко покажа одлична игра и успеа да се запише во листата на стрелци постигнувајќи го последниот погодок за Сините со прекрасен удар од далечина.
Менаџерот на Челзи беше задоволен од перформансите на португалскиот интернационалец и уште еднаш потврди дека играчот ќе остане на Стемфорд Бриџ.
На прашањето дали Деко ќе замине, Анчелоти одговори: “НЕ. Тој не сака да прави промени а и ние не сакаме да правиме промени.”
“Тој работи многу добро, многу е мотивиран да остане и да игра. Ова е многу важна сезона за него бидејќи следната година е Светскиот Шампионат и вечерва (вчера) одигра многу добро.”
Анчелоти исто така е задоволен од реакцијата на неговиот тим откако Сандерленд први дојдоа во водство и Челзи на трет натпревар во низа мораше да се враќа од негатива.
“Може да се случи тоа во фудбалот но најважно е да се има добра реакција, да не бидеме исплашени.”
“Потребно е да се задржи контролата на играта и тоа го сторивме на сите три натпревари. Дури и кога губевме ние го контролиравме натпреварот.”
Powered by: 24 FUDBAL.com.mk
