Според денешното издание на Marca екипата на Челзи е во преговори со Атлетико Мадрид за ангажман на Кун Агуеро и Макси Родригез

По најавите на медиумите од Англија дека Роман Абрамович е подготвен да одвои 42 милиони фунти (49 милиони евра) за ангажман на Кун Агуеро, Мадридскито весник Marca излезе со слична сторија.

Според денешното издание на весникот, претставници на Челзи веќе се во преговори со Атлетико Мадрид и дека Сините се подготвени да платат 50 милиони евра за услугите на Кун Агуеро и плус додатни 7 милиони евра за услугите на неговиот сонародник Макси Родригез.

Атлетико Мадрид останува на ставот дека Агуеро не е на продажба и секој клуб ќе треба да ја плати откупната клаузула која е во висина од 60 милиони евра.

Сините ќе имаат рок до среда да ја комплетираат зделката бидејќи тогаш Агуеро и Макси ќе настапат против Панатанаикос во квалификациите за Лигата на Шампионите со што нема да имаат право да играат за друг клуб.

Доколку Аргентинското дуо замине од Висенте Калдерон Marca вели дека Атлетико ќе се насочи кон двајца играчи од Реал Мадрид: Робен и Весли Снајдер.

Powered by: 24 FUDBAL.com.mk