Дефанзивецот на Интер, Лусио вели дека екипата на Интер има сличен тим како оној на Барселона, подготвен за триумф во Лигата на Шампионите
Лусио ова лето се пресели на Џузепе Меаца и покрај спориот старт и поразот од Лацио во Суперкупот, дефанзивецот е полн со самодоверба во пресрет на новата сезона.
Бразилскиот интернациналец го споредува сегашниот тим на Интер со оној на Барселона кој лани ја освои тројната круна.
“Во 2002 со Баер Леверкузен, бев на чекор до триумф во Лигата на Шампионите.” – рече Лусио за Gazzetta dello Sport.
“Бевме силна екипа со (Михаел) Балак и Зе Роберто. Загубивме во финалето против Реал Мадрид по еден магичен потег на (Зинедин) Зидан.”
“За да се освои Лигата на Шампионите потребен е компактен тим и ’шампионски потег’ како голот на Зизу во финалето – не можам да го заборавам тоа.”
“Земете ја Барселона за пример. Тие не триумфираа бидејќи го имаа Меси, туку бидејќи го имаа Меси, Ето, Андри, Ињеста, Пујол...”
Запрашан дали Нероаѕурите може да го изедначат успехот на Барселона, Лусио рече: “Интер има шампиони и потребни луѓе – Жулио Цесар, Маикон, Камбијасо, Занети, Ето, Милито... треба ли да продолжам?”
Околу шансите на Реал Мадрид, тој додаде: “Па, како што реков, составот за освојување на Лигата на Шампионите не се прави со ставање заедно 11 шампиони, туку со градење на победнички тим.”
Powered by: 24 FUDBAL.com.mk
