Според италијанските медиуми екипата на Милан е во обид да го ангажира левиот бек на Реал Мадрид, Ројстон Дренте

Росоњерите ова лето се обидоа да пронајдат соодветно засилување за левата бековска позиција и беа пред ангажман на Али Сисоко од Порто, но трансферот пропадна во последен момент откако лекарскиот тим на Милан не беше задоволен од резултатите добиени од медицинските тестови.

Сисоко потоа заврши во Лион, а Милан продолжи со потрагата на нов играч и како можно ново има се спомнуваше Герет Бејл од Тотенхем.

Според медиумите од Италија ново име на листата желби на Леонардо е и Холандскиот интернационалец од Реал Мадрид, Ројстон Дренте.

Односот помеѓу двата клуба е одличен откако најпрво на почетокот од летото во Мадрид се пресели Кака, а минатата недела на Сан Сиро пристигна Клас Јан Хунтелар.

Извештаите велат дека Адриано Галиани на Флорентино Перез ќе му понуди 3-4 милиони за едногодишна позајмица со опција следното лето трансферот да стане перманентен за 7-8 милиони.

Сепак зделката нема да биде едноставна како онаа на Хунтелар, бидејќи напаѓачот не беше дел од плановите на Пелегрини за разлика од Дренте кој не е на продажба и покрај тоа што се очекува Марсело да биде прв избор за левата бековска позиција.

Powered by: 24 FUDBAL.com.mk