...да го ангажира него како 16 годишно момче од Барселона – иако скаути на Арсенал го следеле 44 пати

Шпанскиот интернационалец е дел од клубот од Северен Лондон од 2003 и сега тој е еден од предводниците на клубот откако пред Божиќ минатата сезона ја доби капитенската лента.

Но кога Арсен Венгер бил заинтересиран за негово носење во Арсенал, Цеск погрешно го сватил сето тоа и верувал дека Французинот не е сериозен во намерите.

Но на крајот токму желбата и копнежот на Арсен Венгер се покажале како клучни за комплетирање на зделката.

“Шпанскиот скаут ми кажа дека Арсенал ме ангажирал откако тие дошле да ме гледаат 44 пати.” – рече Цеск. “Си мислев 44 пати? Тие не се многу сигурни околу мене!”

“Но кога дојдов тука да разговарам со тренерот, фактички тој беше оној кој дојде да разговара со мене.”

“Тој го прекина одморот за да дојде и да ме види мене како 16 годишно момче.”

“За мене тоа беше голема чест.”

Венгер сега уште еднаш ќе треба да одигра клучна улога и да го задржи Цеск Фабрегас на Емирати стадионот откако Барселона јавно призна дека посакува да го врати играчот во клубот.

Шпекулациите на медиумите се секојдневни и се верува дека Барселона има рок од шест дена (се до дуелот помеѓу Селтик и Арсенал од Лигата на Шампионите) да достави понуда од над 45 милиони евра за да го добие Цеск.

Powered by: 24 FUDBAL.com.mk