...фудбал во нашата земја.Вечерва со почеток во 21:30 на Арената Филип Втори, ќе се одигра пријателскиот натпревар помеѓу Македонија и Шпанија кој се очекува да биде вистински спектакл.

Во Македонија денеска ќе се слави фудбалот, вниманието на македонската јавност вечерва комплетно ќе биде насочено кон Арената Филип Втори каде што нашата фудбалска репрезентација ќе се сретне со Европскиот шампион Шпанија.

За жал овој фудбалски спектакл имаше катастрофална најава исполнета со низа скандали кои започнаа со аматерската организација на ФФМ при продажбата на билетите, а кулминираа со физичката пресметка помеѓу Седлоски и Попов.

Сепак, се надеваме дека со добра игра и добар резултат нашите репрезентативци ќе успеат да го поправат впечатокот и да ни приредат вистински спектакл.

Шпанската селекција доаѓа со најсилниот состав, вечерва на Филип Втори ќе истрчаат Торес, Чави, Виља, Фабрегас, Пујол, Касиљас... но Македонија докажала дека знае да одигра добро против големите.

Македонските фудбалери вечерва ќе настапат пред најголем број домашни фанови што ќе биде мотив плус за докажување.

За прв пат во употреба ќе биде пуштена новата Северна трибина, а натпреварот ќе биде зачинет и со опростувањето на Артим Шакири од националниот дрес, кој за жал нема да може да го направи тоа со настап на теренот.

Сите погледи ќе бидат насочени кон Филип Втори, не очекува вистински фудбалски празник.

Powered by: 24 FUDBAL.com.mk