Италијанските медиуми пренесуваат дека Горан Пандев, Кристиан Ледесма и Де Силвестри не се дел од играчите што ќе настапат на дуелот против Елфзборг во рамките на Европска Лига

Иако претседателот на Лацио, Клаудио Лотито најави дека е подготвен да му прости на ’триото бегалци’, медиумите од Италија велат дека Пандев, Ледесма и Де Силвестри не се дел од тимот на Бјанкочелестите за дуелот со Елфсборг во Европската Лига.

Двомечот со екипата од Шведска се игра на 20 август во Рим и седум дена подоцна во Шведска.

Триото на Лацио влезе во проблеми откако одби да прифати нови договори и сите играчи побараа да бидат продадени.

Пандев, Ледесма и Де Силвестри веќе го пропуштија првиот официјален натпревар во новата сезона, односно Суперкупот на Италија кој Лацио го доби по триумфот над Интер во Пекинг.

Никој не сака да проговори за ситуацијата, но според медиумите од Италија, Ледесма е најблиску до предомислување и веќе побарал итен состанок со Клаудио Лотито.

Аргентинецот најверојатно ќе реши да стави потпис на нов договор со Лацио.

Powered by: 24 FUDBAL.com.mk