МЕНИ

Спортскиот директор на Барселона, Чики Бегиристан признава дека тие го посакуваат капитенот на Арсенал, Цеск Фабрегас но нема да плаќаат огрмна сума за реализација на трансферот

Барса подолго време се поврзува со ангажман на нивниот поранешен младинец и Бегиристан го идентификуваше младиот Шпанец како еден од малкумината играчи кои можат да го подобрат тимот кој минатата сезона ја освои тројната круна.

“Зависи од тоа колку сакаме да потрошиме.” – рече Бегиристан за Marca. “Доколку потрошиме многу пари можно е (да доставиме понуда за Цеск). Сеуште не знаеме колку точно ќе биде тоа. Не сме го прашале Арсенал.”

“Но доколку тие побараат превисока сума, ние нема да се обидеме.”

Барса чувствува мал притисок од фановите по огромното трошење на Реал Мадрид, кој ова лето инвестираше околу 250 милиони евра во играчи од типот на Кристијано Роналдо, Кака, Карим Бензема и Чаби Алонсо.

“Се наоѓаме во тешка позиција да го подобриме тимот што го имаме и тоа е реалност.”

“Многу е тешко да се подобри тим што ја освои тројната круна, и обидите за драматично подобрување можат да ви донесат проблеми.”

“Секој нов играч треба да биде компитабилен со плановите на тренерот. Тука гледиштата на Пеп Гвардиола се критични.”

Околу можноста да се ангажираат целите како што се Чигрински од Шахтјор и Маскерано од Ливерпул, Бегиристан рече: “Не сакам да отфрлам ангажман на ниту еден играч кој ни се допаѓа и кој ќе ни помогне да се подобриме.”

“Имаме неколку опции.”