ФФМ одлучи да ги повлече сите влезниците за натпреварот Македонија - Шпанија и истите да ги замени со нови нумерирани.

Поради официјалните информации добиени од надлежните органи дека во јавноста се дистрибуирани поголем број фалсификувани влезници, ФФМ одлучи да ги повлече сите влезници кои беа пуштени во продажба за средбата со Шпанија. Дополнително ќе бидат изработени влезници со нумерација и соодветна заштита и сите оние кои имаат набавено влезница ќе можат да ја заменат на местото каде што истата е набавена (купена).

Секое лице при замената на билетот е должно да носи лична карта за идентификација.

Замената на влезниците ќе започне в понеделник(10.Август) после 12ч.

По останатите градови , вон Скопје каде беа дистрибуирани билети за продажба преку Општинските Фудбалски Сојузи замената ќе се изврши во Општинските сојузи во вторник од 10ч.

Гратис влезниците ќе бидат заменети во просториите на ФФМ.

ВИП билетите кои досега се дистрибуирани од ФФМ нема да се менуваат бидејќи се нумерирани.

ФФМ се одлучи на ваков чекор за да се избегне нарушување на безбедноста на гледачите кои изразија голем интерес за гостувањето на европскиот првак во Скопје. 

Powered by: 24 FUDBAL.com.mk